منيو

منيو لافطار رمضان والسحور
ياله اكتبى عندك واحفظيه
عشان متحتاريش هتعملى اية
**********************
*********************

اولا الافطار والعصائر والحلو
1 - محاشى ورق عنب وبنجان وكوسة+فرخة مشوية+سلطة خضراء
العصير كركديه + الحلو كنافة بالمكسرات

2 - سمك مشوى ومقلى + ارز صياديه + سلطة طحينة + سلطة خضراء
العصير تمر هندى + الحلو باقى الكنافة احلى ابتسامة

3 - صينية جلاش باللحمة المفرومة + كفتة مشوية + بطاطس محمرة + سلطة
العصير عرقسوس + الحلو قطايف

4 - مكرونة اسباجتى + بطاطس محمرة + فراخ باانيه +سلطة
العصير بلح باللبن + الحلو بسبوسة بالقشطة

5 - ارز بالخلطة + كبدة بانيه + سلطة
العصير سوبيا + الحلو قطايف او باقى البسبوسة

6 - بيتزا + فراخ بانيه + سمبوسة + سلطة كول سلو
العصير برتقال + الحلو بقلاوة

7 - مكرونة بالبشاميل + فراخ مشوية + سلطة
العصير جوافة او مانجو + الحلو البقلاوة الباقية او قطايف

8 - جمبرى وسبيط مقلى + ارز صياديه + سلطة خضرا وطحينة
العصير بيبسى + الحلو جيلى بالفواكه

9 - طاجن خضار مشكل + فرخة محشية + بطاطس محمرة + سلطة
العصير ليمون + الحلو مش لازم ممكن نعمل عصير جوافة جنب الليمون

10 - ارز بسمتى بالخضار والكارى + لحمة مشوية + سلطة وبطاطس محمرة
العصير تمر هندى + الحلو كنافة بالكسترد

11 - سمك بورى مشوى + ارز بالجمبرى + سلطة خضرا + سلطة طحينة
العصير عرقسوس + الحلو بسبوسة بالمكسرات

12 - كبيبة شامى + سمبوسة + فرخة محمرة + سلطات
العصير جوافة باللبن + الحلو بلح الشام

13- كفتة ارز بالصلصة + ارز بالشعيرية + سلطات
العصير مانجو + الحلو لقمة القاضى

14 - صينية بطاطس باللحمة المفرومة + ارز ابيض + كفتة + سلطات
العصير سوبيا + الحلو بسبوسة بالقشطة والمكسرات

15 - شاورما لحم + بطاطس محمرة + سلطات
العصير ليمون + الحلو كنافة بالقشطة

16- شيش طاووق + بطاطس محمرة + كول سلو
العصير عرقسوس

17 - صينية جلاش بحشوة البيتزا + لحمة محمرة + سمبوسة + سلطة
العصير بلح باللبن والحلو قطايف

18 - حمام محشى + قطايف باللحمة المفرومة + ارز ابيض + سلطة
العصير تمر هندى + الحلو جلاش او بقلاوة

19 - كباب حلة + مكرونة + بطاطس محشية لحمة مفرومة + سلطة
العصير برتقال + الحلو بلح الشام

20 - صينية فراخ بالبشاميل + سمبوسة + سلطة + بانية
العصير سوبيا + الحلو لقمة القاضى

21 - كبسة سعودى + سلطة + فرخة محمرة
العصير عرقسوس + الحلو ارز باللبن

22- سجق اسكندرانى + مكرونة + سلطات
العصير جوافة باللبن + الحلو مهلبية بالشيكولاتة

23 - محاشى ورق عنب وبذنجان وكرنب + بانيه + سلطات
العصير سفن اب علشان الهضم + الحلو كيك بالشيكولاتة

24 - لازانيا بالمفروم + فرخة محمرة + سلطة
العصير فراولة باللبن + الحلو بقلاوة

25 - صينية رقاق باللحمة المفرومة + لحمة محمرة + سلطات + سمبوسة
العصير سوبيا وعرقسوس + الحلو مهلبية

26 - سكالوب بانيه + بطاطس محمرة + كول سلو
العصير كركديه + الحلو تشيز كيك

27 - مكرونة نجرسكو أو مسقعة بالبشاميل + لحمة باردة + سلطات + بطاطس
العصير تمر هندى + الحلو مش لازم

28 - صينية كوسة باللحمة المفرومة + ارز بالشعيرية + كباب حلة + سلطات
العصير جوافة باللبن او بلح + الحلو كنافة بالقشطة

29- سمك بلطى مشوى او مقلى + ارز صياديه + سلطات
العصير عرقسوس + الحلو بلح الشام

30 - ارز بسمتى بالكارى + لحمة محمرة + بطاطس محمرة + سلطة
العصير سوبيا + الحلو بقى هايكون كحك العيد والبسكويت ان شاء الله

وكل سنة وانتوا طيبين

********* السحور
انا هاكتب كل حاجة ممكن تتاكل فى السحور وانتى بقى اختارى انتى وذوقك

فول + طعمية + بطاطس محمرة + بيض مسلوق+ شكشوكة + عجة بالبيض + بيض اومليت + جبنة بالطماطم والفلفل + جميع انواع الجبن + بابا غنوج + بطاطس بيوريه + فول بالحمص او بالبسطرمة + بيض بالطماطم والفلفل + بيض بالبسطرمة + بطاطس بالبقدونس والبيض + فول بالخلطة
سلطة زبادى + سلطة خيار + فول بالبيض والخلطة + طعمية بالبيض + عجة بالبيض
طبعا المخللات ممنوعة ممكن تقطعى خيار وطماطم جنب الاكل....
**** طبعا الزبادى اساسى فى السحور......
*** ويارب يعجبك وكل عام وانتم بخييييييييييييييييير..........

الطريقة السحرية للمحبة بين الزوجين

💞 💓 💗الطريقة السحرية للمحبة بين الزوجين
لجلب الحبيب بدون عالم روحانى ولا دجل ولا شعوذة
عن تجربة شخصية كنت فى مشاكل مستمرمع زوجي خصوصا لم بيكون اجازة..بكون زى اى زوجة نفسى ارضى زوجى..وبالاخص الكم يوم اللى بيجيهم اجازة
اعمل كل مافى وسعى الاقى .من غيرسبب تحصل خناقات
على اتفه الاسباب وطول الوقت بكاء
وحيرة ونكد.وطبعا الايام تضيع ومحسش بحلاوتها
ناهيكى عن الاحساس بالغربة في بيتك.اللى بتخلى اى زوج عصبى ومضغوط.الحمدلله انا ملتزمة
لكن امنت بالله ان الحسد هوالسبب فى كل اللى بيحصل
فقررت انى اجرب وصفة السحر الحلال.اللى انا اتخذتها واجب يومى
#وهى_كالاتى:-
💟1- حاولي تظبطى المنبه وتنوى تصحى وتصلى الفجرحاضر
(من صلى الفجرحاضرفهوفى ذمة الله) ولو فاتك كفاية انك نويتى وليكى اجر النية

💟2- التزمي بقراءة اذكار الصباح والمساء يوميا والله العظيم سحر لوحدها.بتكفيكى شر اى حد واى حاجة .قوليها وانتى بتشتغلى ومرة بعد مرة هتحفظيها.وتفضل ملازمة لسانك اول النهار واخره.مش هتاخد من وقتك دقايق

💞3- شغلي سورة البقرة كل 3 ايام فى البيت.وعلى الصوت
وافتحى كل الغرف عشان تطرد الشياطين.وعارفة لوقرأتيها يبقى احسن كتير.يكفى انك لوعندك سحر او مس اوقرين اوشيطان.هتتخلصى من كل دة بقرائتها .خصوصا لو يوميا لمدة اسبوع---

💮4- الرقية الشرعية--
وانتى نايمة جنب زوجك.حطى ايدك على راسه كل ليلة واقراى.ادعية الرقية الشرعية واية الكرسى والمعوذتين
برضوا بالتعودهتحفظيها وكمان جوزك هيفرح جداانك مهتمة بيه وبتخافى عليه زى امه واكتر

💟5- جوزك وهوخارج اجرى وراه بصى فى عنيه وحطى ايدك اليمين على راسه.واقرئى اية الكرسى واحضنيه اوبوسى جبينه
وقوليله حصنتك باسم الله العظيم .من كل مكروه وسوء--
تروح وترجعلى بالف سلامة.صدقينى ممكن مايخرجش ويرجع تان

💢6- قيااااااااااااام الليل ثم قيام الليل.ثم قيااااام الليل:-
حاولى تصلى قيام ليل ولو ركعتين واعرفى ان قيام الليل دة شرف المؤمن.وبالركعتين دول محدش يقدر يهينك اويجرحك
لانك بيهم بتحفظى شرفك ومكانتك.قدرتى عليهم فى التلت الاخير اوقبل الفجر ماشى ماقدرتيش خليهم قبل ماتنامى على طول.اوبعدصلاة العشاء
💞7- الصدقــــــــــــة:مفعولها رهيب.وتبع نيتك بس لازم تكون مخفية.وياسلام لوتعطريها قبل ماتطلعيها.زى ماكانت بتعمل السيدة عائشة رضى الله عنها--.واظبى عليها باستمراركمان عشان ربنا ينعم عليكى بالبركة فى كل شئ
💞8- سورة الملك قبل ماتنامى برضوت بتقى من عذاب القبر
واهو تنامى مطمنة وبالك مرتاح.عشان تصحى تصلى الفجر
وتستقبلى احلى يوم ملئ بالطاعة
#حبيباتى_فى_الله كونوا مع الله يكن معكم كل شئ
💟9- كل ماتحسى انك تعبانة
اتكلمى مع ربنا بس بالادب .خليها كل ليلة ادعى ربنا بكل اللى فى نفسك .وان حصلتلك حاجة تعبتك خلال اليوم
اطلبى من ربنا يزيح عنك
💮10- ويالروعة ومفعول كثرة ذكرالله خياااااااااااااااااااال
💖11- عليكي بالدعاء خاصة فى السجود.وبين الاذان والاقامة..وفى قيام الليل وبعداخرج الصدقة مباشرة
🌹🌹طبعا مهما اقول كلنا عارفين كل الكلام دة.لكن اتمنى من الله ي تطبقوا منه اللى تقدروا عليه.والله العظيم من يوم ماطبقت الكنوز دى.وانا فى سعادة ورضا وراحة بال لايعلمها الا الله
💞💞حتى لومريت بضيق بطمن ان ربنا معايا.ومش هيسبنى
اقسم لكم بالله ان التطبيقات دى هى سلاحك
فى الحياة والحصن الحصين من كيدالكائدين
وطول ماانتى مع ربناانسى حماتك وانسى تسلط زوجك
وانسى مشاكل الحياة.وانسى الدنيا ومافيها دى دنيا زائلة
زوجك هوسعدك.وزعلك جنتك ونارك.انسى الزعل والخناقات
واجرك محفوظ نظير استحمالك

💢💢#الموضوع_دة علشان  بحبكم فى الله
ونفسى ربنا يريح قلبكم ومتشتكوش.من حاجة ابدا
اتمنى لكم السعادة من كل قلبى والله
  💜 💙 💛 💚

نظافه حمامك دئما

فى بيوت كتير يحصل فيها حالة طوارىء لو ضيف استأذن  علشان يدخل الحمام تلاقى اللى جرى يميين واللا جرى شمال كل ده علشان احنا ماعندناش اسلوب ثابت لحياتنا .
أولا ياريت نبدأمع بعض كل واحده تدخل حمامها وتسأل نفسها سؤال هل ممكن حد غريب فى هذه اللحظه يدخل الحمام وماكونش محرجه سواء من عد النظافه او من الأشياا الموضوعه فى الحمام على أساس أنه جزء مهمل فى البيت .
ماعلينا خالينا نبدأ بالحل .
النهارده برنامج اليوم الحمام فقط كل سم فيه لازم يكون زى الفل أنا عايزه أأكد على شىء مهم بلاش نربط بين النظافه والفخامه يعنى ممكن بأقل الأمكانيات اخلى المكان اللى انا عايشه فى جنه.
بعد مانظفنا الحمام ياريت الحاجات اللى انا شيلتها وأنا بأنظف بلاش أرجعها تانى الحمام بلاش الشماعه اللى ورااء الباب عليها اشى حاجه تخص أبو العيال على حاجه تخص ام العيا على حاجه تخص العيال نفسم المنظر موش حلو حتى للناس اللى عايشين فى البيت .

باسكت الغسيل ياريت يكون شكله حلو ويوضع فى مكان لايراه اى شخص غريب .
بلاش فوطه واحده البيت كله يستخدمها ونحطها على الحبل تنشف ونرجع نستخدمها تانى كل فرد من أفراد البيت له فوطه مستقله وكل يوم أغير الفوط كل فرد يكون له ليفه لواحده وممكن توضع بشكل جميل يسمح يتهويتها علشان البكتيريا وكل فتره تتغير.
نظفنا الحمام وشيلنا الكراكيب وأوعى تنسى شباك الحمام ياجماعة الشبك أهم حاجه ده من بره عنوان بيتك ومن جوه يمنع دخول الاتربه الموجوده عليها مع اى شوية هواء الى المكان مره أخرى. اوعوا تكونوا تعتبتوا ده احنا لسه يادوبك فى الحمام ولم ننتهى بعد . ياريت الشغلانه دى تعمليها كل شهرماتستغربيش لان كل يوم الحمام ده أساسى كل يوووووووووووووم شوفى الوقت الىلى يناسبك بالليل لو كنتى موظفه أصبح بعد مايخرج جوزك يالسلامه الحوض والبانيو والتواليت لازم يتغسلوا كويس وتخصصى لهم سفنجه معينه وزى ماأنتى عايزه استعملى اى مواد تنظيف المهم كل يوم .
استنى رايحه فين أنا لسه ماخلصتش لازم يكون فى الحمام زجاجه زى بتاعى الجلانس حطى فيها شوية كلو وشويه ديتول وشوية ميه بنسب متساويه وكل ماتدخلى الحمام وتلاقى حد استخدم الحمام وخصوصا اذا كان فى صبيان وطبعا جوزك ترشى قاعدة التوليت والجزء اللى تحت القاعده بهذا المحلول وتنشفيها هتفضل ريحة حمامك طول النهار زى الفل .
لازم يكون فوق الكومبينيشن فوطه صغيره وكل أفراد الأسرة يتعودا ان ماينفعش يستعمل الحمام ويكون على القاعده نقط بول (سورى)أنا باشوف المنظر ده كتير فى الأماكن العامه تبقى اللى خارجه من الحمام مافيش حاجه موش عاملها فى نفسها آخر شياكه وأدخل الاقيها مهانش عليها تنشف والقاعده علشان هى فى بيتها ماتعوديتش على كده.أوعى تملى ولا تزهقى صدقينى أنا والحمد لله عمرى ماحسيت بالربكه اللى الستات كلها بتكون فيها نتيجه المواقف دى لما بيكون ده السلوك العادى لكى بترتاحى.
تفتكرة بعد مانعمل كل ده هاتحتاجى ليلة رمضان وليلة العيد ولما يكون عندك عزومه ولما يجى ضيف فجأة ويدخل الحمام هاتتكسفى مأظنش . أجعلى من حمامك غرفه أساسيه فى البيت نظافه ورائحه عطره طوال اليوم بأقل القليل من المجهود.
وأراكم فى ركن آخر من أركان البيت.
رايحه فين ياختى شايفكى قريت وطلعه تجرى خدى هنا يا بت قولى رايك فى كلامى
💋

نصائح للحفاظ على بيتك نظيف طول الوقت

نصائح للحفاظ على بيتك نظيف طول الوقت

12 طريقة عشان تحافظى علي بيتك نضيف علي طول :

1-متسيبيش الهدوم في كل حتة

عودي نفسك وزوجك وولادك يقلعوا هدومهم يرجعوها مكانها سواء تتعلق علي شماعة ورا الباب او في الدولاب او تتطبق او في سبت الغسيل

2-تخلصي من الزائد عن احتياجاتك

كلنا عندنا حاجات كتير شايلنها "يمكن نحتاجها" هدوم وكراكيب وكراتين وبرطمانات .....الخ
اعملي حملة قوية عليهم وامسكي كل اسبوع مكان (تحت السرير-دواليب المطبخ -النيش-فوق الدواليب) وخلي احتياجك بس وارمي الكركبة وتصدقي بالفائض

3-رتبي الورق والفواتير دوريا

اعملي فايل لكل حاجة (فواتير -اوراق مهمة - وصولات)

لو بتحتفظى بفواتير الكهربا والغاز الاخيرة اعملي حسابك انك تحتفظى مثلا باخر 3 شهور وترمي القديم

لو محتفظة بالوصولات بتاعة حاجة اشتريتيها بعد 15 يوم او الوقت المسموح بتغييرها فيه ترميها ومتكركبيش الدنيا

اعملي فايل لكل فرد في العيلة فيه كل اوراقه المهمة من شهادات ميلاد لصور شخصية لصور بطايق لشهادات لوصولات دفع مصاريف

4-امسحي مطرح استخدامك

تصحي الصبح تدخلي الحمام قبل ما تخرجي ممكن ترشي ببخاخة موجودة في الحمام (فيها ديتول او كلور وحبة صابون) ترشي التواليت وتشدى السيفون
ترشي الحوض وبفرشة صغيرة تدعكي خفيف هيبقوا زى الفل
وترشي بخاخ بريحة حلوة (سواء معطر جاهز او مية وداوني)

دخلتي المطبخ تفطرى او تطبخي
روقي وراك وامسحي الرخامة برده ببخاخة فيها ديتول وصابون او مية وفانيليا

رحتي تلبسي عشان تنزلي ولبستي ظبطي التسريحة وامسحيها لو محتاجة

5-خلي سريرك دايما نضيف ومتروق

قللي المخدات الكتير والغطا الكتير اللي ملوش لازمة
ولو حطاهم بشكل ديكورى لقيلهم مكان يتشالوا فيه وقت النوم

متسيبيش كركبة علي السرير
كل حاجة تروح مكانها

اول ما تصحي افردى السرير وظبطي الغطا وخلي شكل السرير حلو

6-الاحذية

اول ما تدخلي من البيت اقلعي الحذاء وحطيه في مكانه علي طول

7-المواعين

المواعين يا تتغسل علي طول يا تتحط في غسالة الاطباق علي طول ولو مش بتقدرى تعملي كدة يبقي علي الاقل يتحطوا في الحوض مترتبين مش كله علي بعضه

8-المكنسة والتلميع

لمعي مرة في الاسبوع واعملي بالمكنسة كل اسبوع في الاماكن اللي مبتتبهدلش كتير (زى الصالون والسفرة) ومرة كل يومين مثلا لبقية الاماكن (زى اوض النوم ) وممكن توصل لكل يوم بالليل قبل النوم في الليفنج

9-اعملي مكان لكل حاجة

لو كل حاجة ليها مكان في البيت معروف واعودتوا تحطوا كل حاجة في مكانها البيت هيفضل متروق
فاعملي لكل حاجة مكان
مكان لشنط المدرسة
مكان لهدوم المدرسة واضح
مكان للكتب والاقلام والكراريس
مكان واضح للهدوم المش نضيفة
وهكذا

10-الغسيل

للاسف مشكلة كبيرة بس فعلا من التجربة تطبيق الغسيل وانتي بتلميه بتفرق جدا
تلميه ويتطبق ويتشال في ساعتها
واعملي يومين او تلاتة في الاسبوع (حسب عدد الاسرة وسعة الغسالة) للغسيل عشان متبقيش بتغسلي كل يوم
اغسلي بالليل
الصبح تنشري
بالليل تلمي وتطبقي وتشيلي

11-دور لكل فرد في الاسرة

البيت ساكن فيه كذا فرد مش انتي بس والباقي ضيوف
يبقي لكل فرد في البيت مهمة ودور يقوم بيه من اللي فوق دول او علي الاقل الكل يعمل نفس الحاجات
يعني الكل هيروق سريره
الكل هيمسح وراه الرخامة في المطبخ
الكل هيحط طبقه في الغسالة او يغسله او يحطه مظبوط
الكل هيرش وينضف الحمام وراه
الكل هيشيل هدومه وحذاءه مكانهم

12-اخيرا وليس آخرا استعيني بالله
ادعي ربنا يقدرك ويقويك ويربيلك ولادك
ومتنسيش الاذكار والاستغفار والصدقة
متنسيس قبل النوم
سبحان الله 33 الحمد لله 33 الله اكبر 34
اوعي بقى تقراءي وتجرى كل مره افكرك يا موزه علقي لرفع البوست والإفادة للجميع💝💝💝💝💝💝

مسقعه بالبشاميل

طريقة عمل المسقعه بالبشاميل
المقادير:
كيلو باذنجان رومي
2 بصلة كبيرة
5 فلفل أخضر رومي وألوان
1 فلفل أخضر حار
كوب من عصير الطماطم
ملح وفلفل وكمون وبهارات
زيت قلي
لحم مفروم
صلصة بشاميل
الطريقة:
يقطع الباذنجان إلى حلقات ثم يقلى في زيت مغلي غير غزير حتى لا يتشرب زيت كثير
يوضع الباذنجان في ماء مغلي شديد السخونة لمدة ثواني ثم يصفى حتى يتخلص من أغلب الزيت الموجود
يقطع الفلفل الرومي والبصل إلى حلقات ويشوحوا في زيت غير غزير
يتبل الجميع بالملح والفلفل والبهارات.
تجهز صلصة البشاميل
تجهز اللحم العصاج
ترص حلقات الباذنجان مع حلقات الفلفل الرومي والطماطم والبصل ويرش جزء من العصاج بين كل طبقة وأخرى مع ملعقة من البشاميل وملعقة من عصير الطماطم
في النهاية يوضع بقية البشاميل على الوجه ويدهن ببيضة مخفوقة أو برشة من بقسماط مطحون
توضع في فرن متوسط الحرارة من نصف ساعة إلى ساعة حتى ينضج البشاميل ويحمر الوجه جيداً

معلومات تهم كل ام واب

🚩خط احمر للاطفال :🚩🚫👈  لكل أب وأم انتبهم 😧
👈1/خلع ملابسه أمام أحد
👈2/ترك باب الحمام مفتوح
👈3/عدم الاستحمام مع أحد
👈4/عدم النوم فى فراش واحد مع أحد
👈5/عدم الجلوس على رجل أحد أو الوقوف بين قدميه
👈6/عدم التقبيل من الفم
👈7/عدم زغزغة الطفل وتدليكه فى أماكن العوره خاصة عند وضع زيت الأطفال أو البيبى لوشن عند الغيار
8👈عدم منح الثقه المطلقه للمحارم وأطفال العائله والأصدقاء...
دائما راقبوا الطفل ولا تثقوا بأخ ولا خال ولا عم ولا دون ذلك ولا أعلى
9👈عدم منح أحد فرصة الاختلاء بالطفل فترات طويله ومتكرره بحجة أخذ الطفل بلفة في السيارة أو لشراء حلوة من البقال ولعدم الاحراج اذهبوا معهم بحجة تغير الجو
كونوا مع أطفالكم دائما فنحن في زمن منفتح على كل شيء قل فيه الخوف من الله وقست القلوب وشاعت الفاحشة

10👈عدم ترك الأطفال بمفردهم فى المنزل ولا مع الخادمة لا تثقوا بهن أغلب التحرشات من الخدم فلا تأتمنوهم فتندموا حيث لا ينفع الندم
قصه.....أم تذهب الى دار تحفيظ
وتكتشف بعد عام أن الابن يعتدى على أخته طوال هذه المده ثم تكتشف السبب ان الخادمة كانت تعتدي عليه فلما ذهبت الخادمة استبدلها بأخته
11👈رقابه على أفلام الكرتون وألعاب الجامز ومشاهدتها قبل عرضها على الطفل
12👈ركوب المصعد بمفرده ...علميه أنه لا يسمح للغرباء الركوب معه
قصه.....طفله تركب مصعد مع عامل صعد بها الى الشقق الغير مأهوله وأعتدى عليها
13👈الحذر من الحمامات العامه والأماكن المظلمه ...والمهجوره بمفرده
14👈حمامات السباحه والتنزه على الشواطئ أماكن بحاجه الى يقظه وانتباه وحذر
قصه .....احدى الفتيات أثناء تمرين السباحه تصرخ وتخرج من الماء وعندما سئلت قالت أن الكابتن لمسها لمسه وحشه...
وبعد التحقيق معه اكتشفوا انه فعل ذلك مع سبع بنات غيرها لكنهم سكتوا حياء وخجلا....علما بأن هذه الفتاه قد أخذت دورة حمايه ضد التحرش مكنتها من التمميز بين اللمسات وأخذ موقف قوي وجرئ
15👈عدم تناول شئ من الغرباء
16👈عدم فتح الباب لأي أحد
17👈عدم ارتداء حلي تحمل اسم الطفل فيسهل استدراجه
18👈لا تجبرى الطفل على تقبيل أحد أو حضنه واحترمى رغبته فى ذلك حتى لا يعتاد الاستسلام اذا تعرض لتحرش لا قدر الله
19👈يسمع كلام الكبار فى حدود تخصصهم مثلا المدرس فى عمل الواجب
السائق فى أساليب الحمايه والركوب والنزول بخلاف ذلك فلا
20👈
عودي طفلك على كلمة سر بينكم فقط لأن هناك أطفال يختلط عليهم الأمر فى الأماكن العامه ويذهب الى اخرى ترتدى نفس الملابس......وانه لا يذهب مع أي شخص يدعى انه انت أو أباه ارسله ليأخذه
حفظ الله أحبابنا من كل سوء
وأنوه 🌟💥💥الاعتدال فى التوجيهات والتوازن فلا افراط ولا تفريط
🌸
.لو سمحت علق تمم حتى  تصل الفائدة لجميع ويتفاعل المنشور

اسباب تساقط الشعر

أسباب لتساقط الشعر :
🌸1🌸 نقص مخزون الحديد
🌸2🌸 نقص الزنك
🌸3🌸 نقص فيتامين د
🌸4🌸 الغدة الدرقية
🌸اكتب تم في تعليق ليصلك كل جديد باستمرار 🌸