سلسله معالجه الشعر

طااال إنتظاره بس فعلا من البوستات اللى تستاهل كلها وصفات ممتازة ومجربة👌👌.

 فيه قاعدة إسمها (كل حاجة بتكثف وتنبت لازم تطول والعكس غير صحيح) دى القاعدة الخاص بيا ..

يعنى اى علاج او حمام زيت يكثف الشعر لازم هيطول لانه بينبت شعر فى أماكن ضعيفة او بصيلاتها متضررة او شبه صحرا فما بالكم بالبصيلات اللى شغالة وفيها شعر وتمام أكيد هتطول😉😉😉. بس اى علاج او حمام زيت للتطويل مش لازم ينبت لانه ممكن يكون ضعيف وأخره انه يشتغل عالبصيلات غير المتضررة.
لااااااااااااااااااازم فيتامينات♨♨♨♨♨لازم مع أى علاج سواء أمبولات أو حمام زيوت أو اسبراى بخاخ...إلخ.
الفيتامينات الجامدة👇👇👇👇
بايوتين 10000/seven seas/hair&skin&nails.
 البديل المصرى رويال فيت جى او نيوتريشن /بلاش بنتوجار هتلاقى شعر جسمك كله نبت ما عدا شعر راسك😂😂😂 وبلاش هاى بوتنسى والعك دى مبيعملش حاجة تماما وتركيبته ضعيفة.
▪امبولات لوريال احدث امبولات لوقف التساقط وإنبات الشعر بالأمينكسيل (كبديل للميندكسديل) واوميجا6.(بديلها حمام الزيتون والثوم والحنة).
أولا **بتأكد إنى معنديش حاجة من دول👇👇👇.
قشرة/أنيميا/غدة درقية(التحليل يتعمل شهر بشهره)
ثانيا**الشامبووووو لازم يكون فرى سلفات وصوديوم ...اللهم بلغت.
ثالثا**الوصفات دى لأى حالة شعر حتى العجز المرضى فى طول الشعر.
🔥

الطريقة تنقسم ل2:
1/مرحلة دهن فروة الراس والمساج.
2/مرحلة إتخاذ الوضعية الإنشكاحية(الإنقلاب).
🍥🍥🍥الزيوت:الخيارات مفتوحة لإستخدام اى زيت طبيعى سواء زيتون/خردل/جوز هند/الأرجن المغربى/بذور العنب .. ولنتائج أفضل يفضل خلط أى زيت منهم بزيت عطرى لزيادة الإسترخاء ولرائحة أفضل.
 الأغلبية بيفضلوا زيت الخردل وزيت جوز الهند لإنهم أكثر زيوت منظفة للفروة وبتساعد على نمو الشعر.
■يفضل تدفئة الزيت بحمام ساخن بدرجة مريحة للفروة.
●ليه ندفى الزيت...عشان يساعد على تدفق الدم لفروة الراس فبيكون الإمتصاص أعلى.
 نبدأ بوضع الزيت عالفروة ونمسج فروة الراس بحركات طولية او عرضية مش دائرية محافظة عالشعر من التقطيع ..مساج لمدة 4 دقائق.
 ■الحمام للفروة فقططط لان التكثيف والإطالة هدفه الفروة وحمام معالجة الهيشان هدفه الشعر الخارجى.
الوصفة مجربة /تجارب البنات 98%أطالت الشعر من 3ل7 سم فى الإسبوع والشعر الطبيعى من غير أى عوائق او حمامات بيطول 3 سم فى الشهر /الوصفة دى أقل طول فيها 3 سم فى 7 أيام فقطط.
نيجى للوصفة😊😊😊 إسمها Inversion Method 
⛄⛄⛄⛄⛄⛄
وصفة مشهورة جدا للأجنبيات ولها تحدى عاليوتيوب لدرجة الهوس بهذه الطريقة صارت المحلات تبيع T-shirts بعلامات قياس لطول الشعر.
طريقة تمارين الإنقلاب الراسى فى الصور 👈👈👈(وحطتلكم صورة كام شعر طويل عشام تتحمسوا😂😂😂😂).

بتدهنى زيت عالفروة والمساج والتمارين دى كل يوم لمدة 7 أيام متتالية تكرر كل شهر فقطط 7 ايام /يعنى اسبوع اه و3 لا.
هل لازم نغسل شعرنا كل يوم فى الأيام ال7 بسبب الزيت؟؟ لا مش لازم
  وفى نفس الوقت مينفعش نقعد بالزيت عالفروة هيسد المسام ومكن يحصل تساقط/يبقى أحسن حل نغسله كل يومين كويس.
شرب ماااااااية او ديتوكس أو عصاير طبيعية كتير وبالأخص عصير البرتقال بالجزر /عصير التفاح.
●أى زيوت تحبوا أنها تعمل نتيجة كويسة غير الطريقة اللى فوق👆👆👆استخدموها تحت بروكاب حرارى .
 الحنة ممكن تتعجن بزيت الخردل وتوضع لمدة ساعة عالفروة وتغسل ودى طبعا بغرض التغذية مش التلويين نهائى.